ng ang paglisan ang naging tanging paraan,
para mabigyang lunas ang nagaambang kahirapan.
Sariling pangangailangan dagliang kinalimutan,
isinangtabi ang pansariling pangarap at kagustuhan
upang responsibilidad na itaguyod ang pamilya ay mapunan
kahit ang naging kapalit ay pawang kalungkutan.
Tiniis na malayo sa mga mahal sa buhay.
Hinarap ang lungkot ng walang kaagapay
habang ngiti, sa mga anak, ay patuloyn a ipinakita.
mabibigat na poblema ikinubli at pinasang mag-isa,
inilihim sa mga anak ng sila ay di na mamroblema.
Maraming kaganapan sa kanilang buhay ang hindi nasaksihan.
Isinakripisyo nadin niya maging sariling kalusugan.
Upang mga pangarap para sa mga anak ay maisakatuparan
at mabigyan sila ng magandang kinabukasan.
Ngunit sa kabila ng lahat ng sakripisyong isinaalang-alang,
dumating ang panahon, ang mga anak, hindi s'ya iginalang.
Kanilang nakalimutan na para sa kanila ang ginawang paglisan.
Tanging inisip nila sila ay kinalimutan.
Dahil sa pagiging makasarili, inisip sila ay pinabayaan.
Labis na sakit ang idinulot nito sa kaniya
na naging dahilan ng mga luhang di apigil sa pagpatak.
Ngunit pagunawa at pagmamahal parin ang ipinadama sa kanila.
Umasa nalang na mauunawaan din ng mga anak.
.....
" Sa mga nagdaang panahon na aming naaalala
iyo pong mga kamay ang saamin nagalaga.
Hindi lamang kayo naging ilaw na sa amin ay gumagabay
kayo din ang mga kamay na sa amin ay bumuhay.
Maaaring ikaw po ay hindi malapit sa aming tabi
ngunit dama po namin ang iyong pagmamahal na labis.
Sa mga nagawa naming pagkukulang at pagkakamali
na inyong buong puso na inunawa at inintindi,
humihingi po kami ng taos pusong paumanhin
sa mga sama ng loob na kami ang naging sanhi.
Ipagpatawad mo din po ang mga naging pagsuway,
mga pasigaw na boses at nakataas na kilay.
Gusto po namin na inyong malaman,
na ang mga nangyari ay aming nauunawaan.
Hindi po namin isinisisi sa inyo ang nakaraan
bagkus kami'y nagpapasalamat sa magandang kinabukasan.
Inyo pong tandaan na ni minsan kayo ay di nagkulang.
Kaya wag nyong isipin na kayo ay di naging mabuting magulang.
Panahon na para po kami sa inyo ang mag alaga.
Ipagtatangol sa mga nagiisip na gumawa ng masama.
Mga pangarap n'yo para sa amin ay aming tutuparin
para mga ngiti sa inyo ay makarating.
Maaring hindi madalas naming nasasambit
na mahal namin ang MOMMY naming mabait.
Bagama't di po naririnig sa pamamagitan ng aming mga tinig
hindi kahulugan nito na kami, para sa inyo, ay wlang pag-ibig.
Ikaw po ang aming ina na may pusong malaki
,na sa buong mundo aming ipinagmamalaki.
Mahal na mahal ka po ng tatlo mong anak."
